Os usuarios da residencia pública de Ortigueira elaboran un mural con motivo do Día da Paz
O xerente do Consorcio Galego de Servizos de Igualdade e Benestar, Perfecto Rodríguez, visitou hoxe o centro
Ortigueira (A Coruña), 30 de xaneiro de 2024
O xerente do Consorcio Galego de Servizos de Igualdade e Benestar, Perfecto Rodríguez, estivo esta maña con persoal, usuarios e familiares da residencia de maiores de Ortigueira, pertencente á rede pública autonómica.
O xerente do Consorcio visitou o centro con motivo da celebración do Día da Non Violencia e da Paz, e estivo acompañado do alcalde do concello, José Valentín Calvín Fondevila. Os usuarios da residencia participaron na elaboración dun mural conmemorativo desta xornada e nun faladoiro sobre os conflitos abertos actualmente no mundo.
Imaxes relacionadas
Departamento:
C. de Política Social e Igualdade
Data de actualización: 30/01/2024
