A Oficina Rural de Vila de Cruces vén de rematar o proceso de mellora das súas instalacións a través dunha actuación promovida pola Consellería do Medio Rural, para a que se destinou un orzamento total de 63.686,86 euros.

As melloras correspondéronse con varias actuacións nas que acometeron obras coma a renovación do mobiliario, a optimización da climatización a través de aerotermia ou a reforma dos aseos. Ademais, cambiáronse as xanelas para a mellora da eficiencia enerxética das instalacións.

O obxectivo desta actuación, incluída no Plan de Infraestruturas da Consellería do Medio Rural, é ofrecer unha mellor atención á cidadanía e aos traballadores da propia oficina, que se atopa na rúa Neira Vilas de Vila de Cruces. Nela, préstanse atención xeral á cidadanía nas materias da súa competencia, ademais de servizos agrarios e veterinarios.