Javier Vázquez, director da Casa de Galicia en Madrid, participa na inauguración dunha exposición na Casa de América, onde puxo de manifesto os vínculos de unión entre Galicia e América
O director da Casa de Galicia en Madrid, Javier Vázquez, participou na inauguración da exposición fotográfica Reinvenciones: la ubicuidad de las identidades en lo fotográfico desde el Caribe, que contou coa presenza do embaixador de República Dominicana, Juan Bolívar, e que poderá visitarse na Casa de América desde o sábado 20 de xaneiro até o sábado 23 de marzo.
Esta exposición componse de dous núcleos fundamentais que se entrelazan conceptualmente: a fotografía histórica e a continuidade dos diversos temas e achegamentos expostos no primeiro espazo, na actualidade.
A continuación do núcleo histórico, proponse un espazo dedicado á produción de sentido contemporáneo que se nomea Suxeito atopado. Este ámbito expositivo expón unha coherente continuidade histórica no exercicio da fotografía desde un Caribe expandido na contemporaneidade. O fotográfico como feito, evento e linguaxe mostra unha independencia indiscutible que é evidente no seu espectro de acción e influencia e no recoñecemento indefectible das múltiples identidades que nos habitan.
A mostra realízase en colaboración co Centro León da República Dominicana e está comisariada por Sara Hermann e Joel Butler.