A Xunta coñece os programas de inserción sociolaboral da entidade Xarela en Ourense
O director xeral de Inclusión Social, Arturo Parrado, visitou esta mañá as súas instalacións
O director xeral de Inclusión Social, Arturo Parrado, visitou esta mañá a Asociación Xarela en Ourense. Durante a visita coñeceu os programas de inserción sociolaboral e de arraigo que se desenvolven nas súas instalacións para aquelas persoas en situación de exclusión ou en risco de padecelo.
En concreto, esta entidade pon en marcha programas de orientación laboral, formación en materia de estranxeiría ou busca de emprego, entre outros. O director xeral puxo en valor o traballo desta entidade no apoio a aquelas persoas da nosa sociedade que precisan dunha orientación para gañar en autonomía e saír adiante. Neste sentido, trasladoulles o apoio do Goberno galego para seguir desenvolvendo a súa importante labor.
Imaxes relacionadas
