Continúa aberto ata o 2 de xaneiro o prazo para a adhesión de establecementos comerciais e entidades deportivas ao Bono Deporte
2023-12-26
/documents/35297/43483/200108+cgtd_badminton+10a.jpg?version=1.0&imagePreview=1
Santiago de Compostela, 26 de decembro de 2023
A campaña do Bono Deporte impulsada pola Xunta segue cumprindo os seus prazos cara á súa apertura o luns 8 de xaneiro.
Neste sentido, o prazo límite para a adhesión dos establecementos comerciais, entidades deportivas e prestatarios de servizos deportivos que estean interesados esténdese ata o martes 2 de xaneiro de 2024. Xa son preto de 600 os establecementos adheridos, dos cales o 30% (174) son clubs deportivos. A descarga dos bonos, dotados con 120 euros, estará operativa desde o 8 de xaneiro de 2024 ata o 29 de febreiro (ou ata esgotar o crédito), e poderán usarse ata o 1 de xullo de 2024.
A Xunta pon á disposición da cidadanía o enderezo electrónico bonodeporte@xunta.gal para dúbidas e suxestións.
Departamento:
C. de Presidencia, Xustiza e Deportes
Data de actualización: 26/12/2023