Madrid, 15 de decembro de 2023

O director da Casa de Galicia en Madrid, Javier Vázquez, participou na presentación da primeira novela dun ciclo que ten como protagonista a Xan Borrasca, un heroe pouco convencional: hemipléxico, corentón, temeroso e detective do oculto cun escuro pasado, cuxo autor é Miguel Salas.

A novela, ambientada na Costa ártabra (ría de Ferrol) onde os invernos non terminan nunca, móvese entre a novela negra, a fantasía e o terror. Unha combinación de xéneros que resultará atractiva para o lector. Novela dura, pero con sentido do humor que inclúe unha trama amorosa e elementos fantásticos.

O escritor explicou, ante unha sala chea, que a súa intención é “apostar por unha literatura popular sen deixar de lado o desenvolvemento dunha trama policial sólida, aditiva e sen cabos soltos”.

MIGUEL SALAS DÍAZ foi profesor universitario en Italia, China e Taiwan. Publicou varios libros: dous poemarios (A luz, Premio de Arte Nova da Comunidade de Madrid) e Las almas nómadas, Premio Hiperión), un álbum infantil (Tonino), unha novela (Ni temeré las fieras, en Salto de Página) e unha recompilación sobre as súas columnas sobre Taiwan (Estación de Oriente, Ediciones Castay).

Forma parte do persoal de colaboradores do podcast “La escóbula de la brújula”, un dos programas máis premiados e escoitados de España e Hispanoamérica, onde fala de literatura, tradicións e simboloxía.

O escritor estivo acompañado por Mercedes Castro, autora e editora, e por Jesús Callejo, escritor e director de “La escóbula de la brújula”.