O delegado da Xunta na Coruña, Gonzalo Trenor, participou, esta mañá, na reunión do padroado da Fundación Pública Galega Instituto Feiral da Coruña (IFECO) no que tomou posesión como novo membro do mesmo, Luis Verde, xerente da Área Sanitaria A Coruña-Cee.

O delegado da Xunta destacou que esta nova incorporación permitirá que o representante desta área sanitaria teña voz e voto como representante da Xunta neste padroado dado o peso que está adquirindo o eido sanitario nas actividades que se realizan neste recinto.

Ademais, nesta reunión incorporáronse tamén por parte do Goberno galego, Pablo Fernández Vila, director xeral de Planificación Enerxética e Recursos Naturais, Covadonga Toca Carús, directora xeral do Igape, Juan Manuel Merelles Reme, director da Axencia de Turismo de Galicia e Julián Cerviño Iglesias, director da Amtega.