A Xunta apoia a 11ª ruta 4x4 da comarca de Sarria, que se desenvolve desde mañá ata o domingo
O delegado territorial de Lugo, Javier Arias, explica que o Goberno galego colabora cos gastos de organización e coa entrega de indumentaria promocional do Xacobeo para repartir entre os participantes
A Xunta apoia a undécima edición da ruta 4x4 da comarca de Sarria, que se desenvolverá desde mañá venres 17 de novembro ata o domingo. O delegado territorial de Lugo, Javier Arias, participou hoxe na presentación xunto con representantes da asociación organizadora, Os Carro x Catro.
A ruta contará con vehículos todoterreo, quads, buggies e motos. Farán un itinerario por contornas naturais de Sarria e doutros municipios da zona. Como en anteriores edicións, a cita congregará a persoas procedentes de distintas localidades galegas e doutros puntos de España.
O sábado será a xornada principal, na que os participantes farán un percorrido de máis de 100 quilómetros por varios concellos. O domingo haberá probas de habilidade no polígono do Morelle e entrega de trofeos.
Arias subliñou o impacto positivo que terá esta actividade na economía de Sarria e dos concellos próximos, ademais de servir de escaparate para que os visitantes coñezan todos os recursos da zona.
Imaxes relacionadas
