A vicepresidenta segunda e conselleira de Medio Ambiente, Territorio e Vivenda asinou o convenio de adhesión da empresa
A Alianza polo clima promovida pola Xunta suma o apoio de Ence para seguir creando sinerxías na loita contra o quecemento global
Ángeles Vázquez subliña a relevancia de que Ence se sume a esta iniciativa dado o seu compromiso co desenvolvemento dun modelo produtivo integrado que segue os criterios de sostibilidade máis esixentes a nivel internacional
Esta Alianza, que conta xa con 95 entidades adheridas, segue reunindo esforzos que permitan situar á Comunidade á cabeza das rexións europeas na loita contra o cambio climático
Fitos acadados e desenvolvemento lexislativo
De feito, a vicepresidenta segunda subliñou que Galicia leva anos traballando para mellorar a súa capacidade de resiliencia ante o cambio climático. Nesa liña, lembrou que a Comunidade xa acadou fitos decisivos como ser a segunda comunidade que máis reduciu as emisións de gases de efecto invernadoiro en 2021 ou a redución dun 34% de emisións brutas de GEI respecto a 1990 -ano que se toma de referencia-, máis de 34 puntos porcentuais por enriba da media nacional.
Ademais, 1 de cada 5 toneladas de carbono que se absorben en España faise en Galicia-9,7 millóns de toneladas en 2021-, o que a converte na primeira comunidade do Estado nesta materia.
A maiores, cómpre salientar que a Xunta, ademais de publicar recentemente a Guía de contratación pública ecolóxica, está a desenvolver a que será a primeira lei do clima de Galicia, co obxectivo de acadar a neutralidade climática en 2040.
Este compromiso reflíctese nos orzamentos para o vindeiro ano, que destinan 212,7 millóns de euros en materia de medio ambiente para continuar a loita contra o cambio climático, a aposta pola resiliencia e a eficiencia na xestión dos residuos.
Imaxes relacionadas
