A fase final do certame celebrouse a pasada fin de semana no Salón Teatro de Santiago de Compostela
A Xunta concede o primeiro premio do programa Xuventude Crea na especialidade de teatro ao grupo vigués ‘As Guapilongas’ pola obra Prázdno
En segundo lugar quedou ‘Sarabia Teatro’ de Arteixo con Diario dun tolo e o lucense ‘Teatro D´o Carón’ foi o terceiro coa peza Ao fin, Hamlet
Como novidade da edición deste ano, ofrecerase aos vencedores do certame a posibilidade de formación e mentorizaxe para axudalos nos inicios das súas carreiras profesionais
En segundo lugar quedou a compañía ‘Sarabia Teatro’, de Arteixo, que puxo en escena Diario dun tolo, e o lucense ‘Teatro D’o Carón’ fíxose co terceiro premio coa peza Ao fin, Hamlet. Así mesmo, concedeuse unha mención de honra ao grupo ‘Erantres’ de Arteixo pola obra Tres mistos.
O número de obras que se presentaron a esta especialidade foron 12 e a metade delas chegaron á fase final. O grupo gañador recibirá un premio de 3.000 euros, o que quedou en segundo lugar levará 1.500 euros e a dotación económica para o terceiro clasificado é de 1.000 euros. Ademais, na edición deste ano, por primeira vez, a Xunta ofrecerá aos grupos vencedores a posibilidade de formación e mentorizaxe para poñer en marcha unha compañía teatral e axudalos así nos inicios das súas carreiras profesionais.
Imaxes relacionadas
