A secretaria xeral da Igualdade, Sandra Vázquez,  visitou en Vigo o Centro Lingoreta, dedicado á logopedia, onde se reuniu coa súa impulsora, Diana Lameiro, que foi beneficiaria das axudas Emega de emprendemento feminino que convoca anualmente a Xunta de Galicia.

O Goberno galego quere poñer en valor a experiencia de emprendemento de mulleres para que sirvan de referente ás nenas e mozas, e que dan mostras de sobrado talento e creatividade.

Tal e como lembrou a secretaria xeral, a Administración autonómica está a brindar os apoios necesarios para que súas iniciativas saian adiante, co que está outorgar axudas para os primeiros gastos, como a cota cero para autónomos que se activará nas primeiras semanas de 2024. Tamén para impulsar o autoemprego a través de programas como Emega ou da Rede de polos de emprendemento, que terán continuidade en 2024.