Baiona (Pontevedra), 14 de setembro de 2023

A directora xeral de Persoas con Discapacidade, Begoña Abeijón, destacou hoxe a importancia que ten o deporte adaptado para facer novas compañías e amigos, así como para a saúde, autonomía e desenvolvemento persoal. Fíxoo nas instalación do Monte Real Club de Iates de Baiona, onde recibiu a usuarios e monitores dos centros de atención á discapacidade (CAPD) da Coruña e Redondela que participaron no programa ‘Amar o mar’.

A directora xeral explicou que a través desta actividade, os participantes teñen a oportunidade de ter, para moitos deles, un primeiro contacto co mundo mariño, coñecer técnicas de navegación e desfrutar dunha xornada de ocio.