Diego Calvo trasládalle á embaixadora de Croacia o interese de Galicia por estreitar lazos entre ambos os territorios
Santiago de Compostela, 14 de setembro de 2023
O vicepresidente primeiro e conselleiro de Presidencia, Xustiza e Deportes, Diego Calvo, acompañado do director xeral de Relacións Exteriores e coa UE, Jesús Gamallo, recibiu esta mañá a embaixadora de Croacia en España, Nives Malenica, á que trasladou o interese de Galicia por estreitar lazos entre ambos os territorios.
Diego Calvo agradeceu a visita institucional da embaixadora e avogou por sentar as bases de futuras relacións que permitan, entre outros obxectivos, a promoción comercial e turística de Galicia no país croata. Nesta liña o vicepresidente primeiro destacou a importancia do Camiño de Santiago como elemento de unión entre territorios e culturas, especialmente no contorno europeo como cimento das rutas xacobeas.
Imaxes relacionadas
