Rivo destaca o potencial do grupo Coren como primeira cooperativa agroalimentaria de España
Ourense, 11 de setembro de 2023
A conselleira de Promoción do Emprego e Igualdade, Elena Rivo, visitou hoxe as instalacións en Ourense do grupo Coren e destacou a súa relevancia no eido cooperativo tanto dentro como fóra de Galicia. Así, acudiu a escoitar as súas demandas e suxestións, nun momento no que se está a traballar na nova Lei de cooperativas co obxectivo de axilizar a creación de entidades e de adaptalas aos novos tempos.
Como primeira cooperativa agroalimentaria de España e unha empresa referente da provincia de Ourense, Coren é ademais a oitava cooperativa cárnica europea en importancia. Así, aglutina preto de 4.300 socios integrados e asociados e máis de 3.000 persoas empregadas, con máis de 1.000 millóns de facturación anual.
Imaxes relacionadas
