Santiago de Compostela, 3 de setembro de 2023

A Xunta habilitará servizos especiais con motivo do festival Nachiños Fest que se celebrará os días 8 e 9 de setembro na parroquia de Covas de Ferrol.

A viaxe, cunha duración estimada de 35 minutos, conectará a praza de Galicia coa Pedreira, sen paradas intermedias.

Os usuarios disporán de dúas expedicións de ida o venres 8 e o sábado 9 con saída desde a praza de Galicia ata o lugar da Pedreira, en Covas,  ás 18,30 e ás 19,30 horas.

Para a volta desde Covas ata Ferrol, activaranse dúas expedicións nas madrugadas do sábado 9 e do domingo 10 con saída da Pedreira ás 03,30 e ás 04,30 horas.

A Xunta, coa posta en marcha destes servizos, trata de ofrecer mellores alternativas de viaxe en transporte público, de xeito que se reduzan os riscos da condución nocturna despois de xornadas de lecer, se diminúa o tráfico e con iso o impacto ambiental.

Os menores de 21 anos poderán viaxar gratis empregando a tarxeta Xente Nova, ao igual que fan en todos os autobuses da Xunta.

Os demais usuarios do transporte público da Xunta poderán beneficiarse dos descontos da tarxeta TMG.

A información dos horarios dos servizos especiais poderán ser consultadas na webwww.bus.gal