A Xunta está a ultimar o proxecto para a reconstrución da presa de Ponte Maceira, en Ames e Negreira, cun investimento de preto de 392.000 euros
Este proxecto está xa redactado e actualmente avanza a súa fase de supervisión e tramitación, dando así cumprimento ao compromiso da Xunta con estes municipios
As obras contempladas no proxecto, cun prazo de execución de 5 meses, teñen como obxectivo reparar os danos detectados no corpo da presa
As tarefas inclúen a limpeza e a roza da mampostería da presa, así como a retirada de pezas soltas localizadas
A pantalla será reconstruída con lousas de granito e para mellorar a súa estabilidade disporase a súa ancoraxe ao corpo do encoro con variñas de aceiro
A Xunta, a través de Augas de Galicia, está a ultimar o proxecto de reconstrución da presa de Ponte Maceira, situada entre os concellos de Ames e Negreira, que suporá un investimento de preto de 392.000 euros.
Este proxecto está xa redactado e actualmente avanza a súa fase de supervisión e tramitación, dando así cumprimento ao compromiso adquirido con estes municipios.
As obras contempladas no proxecto, cun prazo de execución de 5 meses, teñen como obxectivo reparar os danos detectados no corpo da presa.
De xeito máis concreto, as tarefas proxectadas inclúen a limpeza e a roza da mampostería da presa, así como a retirada de pezas soltas localizadas.
Tamén se prevé a execución dunha nova fábrica de reparación con pezas de corte natural, con forma atizonada, granito duro e tons de pedra "do país". Estes elementos colocaranse perpendicularmente á superficie do vertedoiro, encheranse e encaixaranse, coa infiltración dun formigón de consistencia suave.
A pantalla será reconstruída con lousas de granito de 2,50 e 3,00 m. de lonxitude, introducido na canle e tomado o seu pé con formigón en masa.
Co fin de mellorar a estabilidade e a firmeza desta pantalla vertical de lousas, disporase o seu ancoraxe ao corpo do encoro con variñas de aceiro inoxidable, aloxadas con morteiro de cemento.