O conselleiro do Medio Rural, José González, acompañado polo director xeral de Planificación e Ordenación Forestal, José Luis Chan, reuniuse co alcalde de Oza-Cesuras, Pablo González Cacheiro, para avanzar na colaboración entre Xunta e Concello a prol do agro neste municipio coruñés. A xuntanza centrouse na mellora desa cooperación especialmente no eido forestal, tendo en conta a importancia que este sector ten na economía local.