As últimas probas de emprego público de Educación 2022-2023 arrancan o 22 de xuño
Trátase do concurso-oposición polo sistema transitorio marcado polo Goberno central con 125 prazas
A Xunta de Galicia completa este mes o proceso de oferta de emprego público de preto de 4.000 prazas nos últimos dous anos
Xa están resoltos os concurso-oposicións acumulados de 2021 e 2022, así como o concurso de méritos e a integración dos profesores técnicos de FP en Secundaria
A Xunta de Galicia completa este mes o proceso de oferta de emprego de preto de 4.000 prazas nos últimos dous anos. O Portal Educativo publica a resolución coas datas e lugares do primeiro exames do concurso-oposición deste ano 2023, que comezarán o día 22 de xuño para todas as especialidades, agás na de profesores de ruso para escolas oficiais de idiomas, que están convocados para o día 30. En total están admitidas nestas probas 9.623 persoas.
Con 125 prazas, este é o último dos procesos para celebrar as case 4.000 prazas, dado que xa están resoltas tanto as 2.628 da oferta de emprego pública acumulada de 2021 e 2022. Tamén o concurso de méritos, de obrigada celebración por imperativa estatal, con 1.156. De xeito paralelo, resolveuse a integración no corpo de profesores de Secundaria dos profesores técnicos de FP que cumprían as esixencias de titulación marcados polo Goberno central para esta conversión.