O delegado territorial da Xunta en Ourense, Gabriel Alén, asistiu á entrega de diplomas do V Concurso Nacional de Vinos VINESPAÑA, que se celebrou esta tarde na localidade ourensá de Verín. Alí, reafirmou o apoio da Xunta ó sector vitivinícola de Galicia.

Gabriel Alén salientou a importancia dos viños galegos e a calidade destes produtos, que fan que Galicia sexa un referente no sector vitivinícola máis aló das nosas fronteiras. Así mesmo, destacou o sector como clave para o rural galgo e a importancia de seguir consolidándoo no marco da Estratexia de dinamización económica, territorial e turística das comarcas vitivinícolas de Galicia.

Nesta edición do concurso entregáronse máis de 300 medallas a viños de toda España nun total de 10 categorías: viños de agulla, viños espumosos, viños ecolóxicos, brancos tranquilos, rosados tranquilos, tintos tranquilos, variedades minoritarias, uvas sobremaduras, uvas pasificadas e viños de licor. A presenza dos viños galegos é destacada na meirande parte destas categorías, como os tintos, os brancos tranquilos ou os espumosos. Así, as adegas galegas participantes contan con varios diplomas.