Santiago de Compostela, 28 de maio de 2023 A Xunta de Galicia organiza nunha xornada técnica dentro do programa nacional de prevención, control e erradicación da rinotraqueíte infecciosa bovina (IBR) que terá lugar o 8 de xuño no Centro de Investigacións Agrarias de Mabegondo (CIAM). Enmárcase dentro do proxecto estratéxico de cooperación “Aportacións ao coñecemento da distribución do herpesvirus bovino tipo 2 (BoHV-2) na cabana vacuna galega”. 

Trátase dunha xornada de carácter técnico, polo que está destinada a veterinarios de gando bovino de Galicia. Os interesados poderán apuntarse ata cubrir o cota máxima, de 100 persoas de xeito presencial a través deste formulario. A xornada retransmitirase tamén por streaming, polo que os interesados tamén poderán seguir os relatorios de xeito online. 

Ao longo do día, sucederanse diversas charlas e faladoiros sobre o diagnóstico da rinotraqueíte infecciosa bovina  en Galicia, a aplicación do programa de cualificación desta enfermidade noutras comunidades e cuestións relacionadas sobre a perspectiva de futuro. Os relatores son expertas e expertos da Consellería do Medio Rural, do Ministerio de Agricultura, Pesca y Alimentación e de institucións de referencia de comunidades autónomas como Andalucía e o País Vasco.

Ligazón ao formulario de inscrición: