A Xunta asiste en Porto a unha conferencia internacional sobre incendios forestais na que se recoñecerá o labor do investigador do CIF de Lourizán José Antonio Vega
2023-05-17
/documents/35297/40681/230517_congreso_lumes_Portugal_1.jpg?version=1.0&imagePreview=1
Porto (Portugal), 17 de maio de 2023
Unha delegación da Xunta de Galicia encabezada polo director xeral de Defensa do Monte, Manuel Rodríguez, asiste en Porto (Portugal) á 8ª conferencia internacional sobre incendios forestais International Wildland Fire Conference 2023. Este evento céntrase na loita contra os incendios forestais para protexer a biodiversidade, fomentar a captura de carbono e manter bosques saudables, asegurando que proporcionen bens e servizos.
Dentro do programa de actos deste congreso, inaugurado onte e que se celebra ata o venres, hoxe terá lugar a entrega do prestixioso premio Ember da International Wildfire Association a José Antonio Vega, investigador xubilado do Centro de Investigación Forestal (CIF) de Lourizán, que depende da Consellería do Medio Rural. O galardón recoñece a traxectoria profesional deste experto, considerado un dos maiores especialistas en materia de loita contra os incendios forestais.
Departamento:
C. do Medio Rural
Data de actualización: 17/05/2023