ADOS lembra que todos os días precísanse entre 400 e 500 doazóns de sangue para que os hospitais galegos podan levar a cabo axeitadamente o seu labor asistencial, unha necesidade constante e que non diminúe durante todo o ano.

Unha unidade móbil de doazón de sangue visita, polo menos dúas veces ao ano, o Parlamento de Galicia, dentro da campaña de recollida de doazóns de sangue que efectúa a Axencia de Doazón de Órganos e Sangue en empresas e organismos públicos. Ademais, dende o ano 2001, as unidades móbiles de ADOS visitaron en vinte ocasións o Parlamento de Galicia, acadando un total de 507 doazóns de sangue, no transcurso destas visitas.

Agradecemento

Tanto a directora de ADOS como o presidente do Parlamento tiveron verbas de agradecemento para os cidadáns que doan sangue habitualmente, pero, en especial nesta oportunidade, a todos os deputados e deputadas e aos profesionais que desenvolven o seu traballo na Cámara lexislativa galega.

A Axencia de Doazón de Órganos e Sangue agradece ao Parlamento de Galicia a súa contribución á consecución dun axeitado número de doazóns de sangue, recoñecemento que fai extensivo a toda a cidadanía galega que, nalgún momento das súas vidas, teñen doado sangue para posibilitar o desenvolvemento do intenso labor asistencial dos nosos hospitais.