O día da Xuventude da Xunta celébrase en Ribadeo
Durante toda a xornada de hoxe a xente nova desfruta dunha ampla programación de actividades con obradoiros, xogos e música, totalmente gratuíta
A Xunta de Galicia levou hoxe as actividades do programa Día da Xuventude a Ribadeo. A directora xeral de Xuventude, Participación e Voluntariado, Cristina Pichel, estivo esta tarde coas mozas e mozos que se deron cita neste evento.
Durante toda a xornada de hoxe ofreceuse unha ampla programación de actividades para o entretemento e a aprendizaxe. Así, desde as catro da tarde e ata as nove da noite, a xente nova puido desfrutar de obradoiros sobre cociña saudable, graffiti, igualdade de xénero, protección do medio ambiente e empregabilidade. Tamén houbo espazo para xogos e un concerto a cargo do grupo Festra. Todas as actividades foron de balde.
Imaxes relacionadas
