O presidente asiste ao XIII Congreso Internacional de Asociaciones Jacobeas que se celebra en Ourense
Rueda enxalza o papel do Camiño de Santiago como ruta vertebradora de Europa
”É moito máis ca un percorrido ou turismo, é a historia de Europa e do mundo”, defende sobre a súa relevancia para o fomento do intercambio cultural entre as diferentes nacións do continente europeo
Resalta que tras pechar un 2022 histórico en canto a número de peregrinos, Galicia segue a rexistrar un aumento de visitantes respecto a outros anos
Agradece o labor das asociacións de amigos do Camiño na preservación e difusión das rutas que levan a Santiago e lembra que a Xunta xa ten en marcha un Plan director cara aos Xacobeos de 2027 e 2032
O presidente da Xunta, Alfonso Rueda, enxalzou hoxe o papel do Camiño de Santiago como ruta vertebradora de Europa pola súa aportación ao fomento e intercambio cultural entre as diferentes nacións do continente europeo. “É moito máis ca un percorrido ou turismo, é a historia de Europa e do mundo”, aseverou na inauguración en Ourense do XIII Congreso Internacional de Asociaciones Jacobeas procedentes de 14 países, ás que cualificou de “imprescindibles” polo seu labor de voluntariado, difusión, investigación e estudo das diferentes rutas xacobeas.