O vicepresidente segundo e conselleiro de Presidencia, Xustiza e Deportes, Diego Calvo, acompañado polo secretario xeral para o Deporte, José Ramón Lete Lasa, asistiu hoxe en Madrid ao acto de entrega dos Premios Nacionais do Deporte 2021, que estivo presidido polas Súas Maxestades os Reis. Os galardóns, convocados polo Consello Superior de Deporte, distinguiron 13 deportistas, entidades e persoas que destacan na promoción da educación física e o deporte.