O director xeral de Política Financeira e Tesouro, David Cabañó, reuniuse hoxe cos membros do órgano de goberno do Consello Galego dos Colexios de Mediadores de Seguros de Galicia, aos que lles trasladou o compromiso de colaboración da Xunta coa nova entidade e a súa confianza de traballar xuntos en beneficio de todos os galegos e galegas.

Na reunión abordáronse os retos aos que se enfronta a mediación na sociedade actual e os obxectivos deste novo organismo autonómico de supervisión que representa á profesión do mediador de seguros na comunidade autónoma galega.