O director da Casa de Galicia en Madrid, Juan Serrano, deu a benvida a medio cento de alumnos e aos seus profesores, que participaron nunha semana de formación en Madrid na que a Casa de Galicia serviu de sede.

O mércores o alumnado do ciclo superior de educación infantil participou en diversas actividades: a relatorio de Marga Alonso centrada na orientación educativa, a de Juan Sánchez, presidente da Asociación Internacional de Educadores Infantís Amei Wace, na que lles presentou a labor que desenvolven dende esta entidade, con Lola Forfo traballaron a psicomotricidade e con José Luis Zarataín coñeceron as iniciativas que levan a cabo na Fundación Promoción Social.

Por outra banda, Jorge Castro e Javier López, directores creativos de Havas Comunicación, traballaron co alumnado do ciclo de márketing e publicidade e explicaron os departamentos e os postos de traballo dunha axencia e titorizaron diferentes propostas elaboradas polo alumnado para incorporar ao seu portfolio.

Para rematar a xornada, Julio Feito e Silvia Mollón da empresa Natveevo desenvolveron un obradoiro de Creación da marca persoal no que participou o alumnado de todos os ciclos.

“Na nosa metodoloxía o acercamento do alumnado á súa realidade profesional é unha constante. A semana de formación a Madrid permite que os futuros profesionais poidan coñecer unha pluralidade de entornos empresariais e profesionais que complementan o seu coñecemento e enriquecen a súa formación“, indicou Raquel Carregal, directora do centro formativo