A Xunta asiste á presentación do proxecto de voluntariado interxeracional ‘A memoria de Ames’
O Concello participa na convocatoria do Goberno galego para o impulso de iniciativas que fomenten o encontro entre persoas maiores e xente nova de entre 16 e 35 anos
Este proxecto, no que participan un total de 14 persoas voluntarias, busca recuperar a memoria deste municipio a través dos recordos das persoas que habitan nel
A directora xeral de Xuventude, Participación e Voluntariado, Cristina Pichel, asistiu esta mañá á presentación do proxecto A memoria de Ames, unha iniciativa que se enmarca dentro do programa de voluntariado interxeracional impulsado pola Xunta de Galicia e que busca recuperar a memoria dos lugares deste municipio, fundamentalmente das tradicións vinculadas aos muíños, a través dos recordos das persoas que habitan nel.