Santiago de Compostela, 24 de xuño de 2024

O conselleiro de Presidencia, Xustiza e Deporte, Diego Calvo, lamenta en nome de todo o Goberno galego, o pasamento de José María Caneda, “histórico presidente que levou ao máis alto á Sociedade Deportiva Compostela”.

Neste sentido lembrou o gran fito que, baixo a súa presidencia, acadou o club compostelán ao conseguir o “subcampionato de inverno na tempada 1995/1996 plantándolle cara aos mellores equipos do país”.

O conselleiro destacou o traballo de Caneda polo fútbol galego, xa que tras a disolución do club en 2004, tentou volver a abandeirar o proxecto. Diego Calvo enviou unha mensaxe de ánimo a súa familia e achegados, así como a todo o entorno do fútbol galego e, particularmente, da Sociedade Deportiva Compostela.