Santiago de Compostela, 4 de xuño de 2024

O director xeral de Emerxencias e Interior, Santiago Villanueva, participou hoxe na reunión da comisión mixta de seguimento entre o Consello de Seguridade Nuclear (CSN) e a Xunta. Por parte do CSN asistiron, entre outros representantes, o secretario xeral da entidade, Pablo Martín, e o director técnico de Protección Radiolóxica Operacional (DPR), Javier Zarzuela.

O obxectivo deste encontro é avaliar a encomenda de xestión que o CSN atribúe ao Goberno galego para que exerza no seu ámbito territorial controis e inspeccións neste ámbito. Así, representantes de ambas institucións realizaron un balance da execución da planificación do pasado ano, durante o que se cumpriron todos os obxectivos fixados con 67 inspeccións, das que 46 corresponden a instalacións radiactivas e máis dunha vintena a raios X de radiagnóstico médico, polo que ambas partes amosaron a súa satisfacción polos resultados acadados ata o momento.

Ademais, abordouse tamén a planificación deste 2024, que inclúe 37 controis de instalacións radioactivas e 22 de radiodiagnóstico médico.

En materia de transporte, o ano pasado leváronse a cabo tres controis relacionados co transporte de material de radiactivo -dous de radiofármacos ou fontes de aplicación industrial e un relacionado coa xestión de actividades dunha radiofarmacia ou ciclotrón- e para este 2024 están planificadas cinco.