A Coruña, 27 de maio de 2024

A delegada territorial da Xunta na Coruña, Belén do Campo, reuníuse co presidente da Federación de Comercio da Coruña, Miguel Agromayor, para escoitar e recoller as demandas do sector. No encontro informoulle das distintas liñas de axudas que ten abertas o Goberno galego para este colectivo. A máis recente son as axudas da orde da Consellería de Emprego, Comercio e Emigración que, cun importe de 2,25 millóns de euros, busca impulsar a innovación e dinamización dos centros comerciais abertos da Comunidade. Esta orde está enmarcada no compromiso coa revitalización do comercio local como elemento esencial do desenvolvemento económico e social das vilas e cidades galegas.