O presidente da Xunta asiste á entrega do XXXI Premio Periodístico Puro Cora
Rueda destaca o papel imprescindible dos medios de comunicación para xerar puntos de encontro e diálogo na sociedade
Lugo, 15 de maio de 2024
O presidente da Xunta, Alfonso Rueda, destacou hoxe o papel primordial dos medios de comunicación para xerar puntos de encontro, diálogo e entendemento na sociedade.
Durante o acto de entrega do XXXI Premio Periodístico Puro Cora que entrega El Progreso, asegurou que o xornalismo é un complemento necesario ao traballo diario das institucións nunha democracia representativa. “Se non existisen os medios de comunicación, a democracia sería máis feble e pobre”, sinalou.
O presidente salientou a traxectoria da gañadora desa edición, Lola García, e valorou “o sentidiño” que transmite nos seus artigos nos que analiza a actualidade política no xornal catalán La Vanguardia. Rueda tamén agradeceu “a ecuanimidade e valentía” coa que desempeña a súa profesión.
Imaxes relacionadas
