José López Campos asiste á toma de posesión de Elvira María Casal como secretaria xeral técnica da Consellería de Cultura, Lingua e Xuventude
Santiago de Compostela, 26 de abril de 2023
O conselleiro de Cultura, Lingua e Xuventude, José López Campos, asistiu esta mañá á toma de posesión de Elvira María Casal García como secretaria xeral técnica deste departamento autonómico.
Ata o momento, Elvira María Casal García ocupaba o cargo de subdirectora xeral de Planificación e Dinamización Lingüística da Secretaría Xeral de Política Lingüística na extinta Consellería de Cultura, Educación, Formación Profesional e Universidades.
Nada en Santiago de Compostela en 1967, é licenciada en Dereito pola Universidade de Santiago de Compostela e funcionaria do corpo superior da Administración Xeral da Xunta de Galicia desde 1993. Dispón dos diplomas dos cursos de directivos e da inspección de servizos da Xunta de Galicia, o curso superior de Urbanismo e superior de administración electrónica, entre outros, e é especialista en arrendamentos urbanos.
Desde 2014 ocupaba a devandita Subdirección Xeral na Consellería de Cultura, pola que era ademais vogal do Consello Asesor do Libro e secretaria da Comisión de Toponimia de Galicia.
Imaxes relacionadas
