Madrid, 14 de marzo de 2024

O director da Casa de Galicia en Madrid, Javier Vázquez, participou na presentación do libro de Ramón Reboiras, O Chevrolet de Pessoa. 

Tras a benvida do director da Casa de Galicia, Marta Barriuso inaugurou o acto cun recital do poema de Fernando Pessoa,  “Al volante del Chevrolet por la carretera de Sintra”. 

O acto consistiu nunha entrevista por parte da xornalista Karmentxu Marín, que preguntou a Reboiras sobre o seu libro; un libro que narra unha vida que se extingue. Son episodios dunha existencia relatados con humor e compañeirismo onde non se esquece á familia.

Ramón Reboiras (San Xián de Laíño, Dodro, 1961) é escritor e xornalista. Foi xefe de sección de cultura no diario "O Independente", redactor xefe das revistas "Cinemanía" e "Rolling Stone", subdirector de "Esquire" e "Harpers Bazaar" e director cultural de FNAC España. Desde 2017 dirixe a redacción de "TintaLibre".

O cantante galego, Javier Lago foi o encargado de clausurar o acto.