Galicia engrandece a súa proposta enogastronómica con 18 estrelas Michelin en 16 establecementos
Estas novas estrelas sitúan á nosa comunidade como destino enogastronómico de referencia, tanto a nivel nacional como internacional
Como novidades, o restaurante Ceibe, localizado en Ourense, e o Asador O ‘Pazo, en Padrón recibiron cadansúa estrela Michelin; e Pepe Vieira, de Camiño da Serpe acadou o seu segundo distintivo
Galicia conta así con 16 restaurantes con estrelas Michelin, dos cales Culler de Pau e Camiño da Serpe conta con dúas cada un deles
Santiago de Compostela, 23 de novembro de 2022
Galicia recibiu onte un total de 18 estrelas Michelin para 16 restaurantes galegos, o que reafirma que a proposta galega sitúa a Galicia como destino enogastronómico de referencia. Dos 16 restaurantes, dous deles, Culler de Pau e Camiño da Serpe, acadan dous destes distintivos.
Durante esta celebración, o restaurante Ceibe, localizado en Ourense, e o Asador O ´Pazo, en Padrón recibiron unha estrela Michelin. Así, os chefs Lydia do Olmo e Xosé Magalhaes, do restaurante ourensán, e Óscar Vidal, do restaurante situado no concello coruñés, recibiron as icónicas chaquetas de cor branca polo súa labor.
Estes dous novos locais súmanse, desta forma, ao listado máis importante a nivel gastronómico do que forman parte Árbore da Veira (A Coruña), As Garzas (Malpica), Retiro da Costiña (Santa Comba), A Tafona (Santiago), Casa Marcelo (Santiago), Culler de Pau (O Grove), Yayo Daporta (Cambados), Eirado da Leña (Pontevedra), Casa Solla (Poio), Pepe Vieira (Poio), Maruja Limón (Vigo), ' title='https://www.elespanol.com/treintayseis/articulos/actualidad/menu-del-dia-en-vigo-con-una-estrella-michelin-asi-es-silabario-por-alberto-gonzalez">'>https://www.elespanol.com/treintayseis/articulos/actualidad/menu-del-dia-en-vigo-con-una-estrella-michelin-asi-es-silabario-por-alberto-gonzalez">Silabario(Vigo), Nova (Ourense) y Miguel González (Pereiro de Aguiar).
Durante esta celebración, o restaurante Camiño da Serpe, de Pepe Vieira, conseguía a súa segunda estrela e convertíase así, xunto con Culler de Pau de Javier Olleiros, no segundo restaurante galego en contar con dous destes distintivos
Estrela Verde e BIg Gourmand
Ademais, Galicia conta con 3 restaurantes galardoados coa Estrela Verde: Culler de Pau, O Balado, A Corun~a) e Pepe Vieira, distinción coa que Michelin premia o seu compromiso coa sustentabilidade no campo gastronómico
Na categoría de Big Gourmand, establecementos de calidade que ofrezan unha boa comida a prezos alcanzables, a nosa comunidade suma 6 novos locais: o Villa de Oro (Camariñas), Pementa Rosa (Carballo), Frank (Ferrol), O Tobo do Lobo (Melide), A Xanela Gastronómica (Ponteareas) e a A Maceta, en Santiago de Compostela.