Trenor traslada o apoio da Xunta ao novo equipo do Consello de Colexio de Mediadores de Seguros de Galicia

A Coruña, 23 de novembro de 2022 O delegado da Xunta na Coruña, Gonzalo Trenor, reuniuse está maña con Juan M. Sánchez-Albornoz, elixido recentemente como o primeiro presidente da Xunta Directiva do Consello Galego dos Colexios de Mediadores de Seguros. Galicia. O delegado da Xunta trasladou o apoio da Xunta para este Consello Galego que nace con vontade de defensa lexítima dos intereses dos mediadores ante as institucións e en todos os ámbitos da sociedade, achegando compromiso de calidade, transparencia e solvencia fronte ao asegurado e unidade ante as aseguradoras e resto de provedores.

Este equipo porá en marcha o novo órgano que representa á profesión do mediador de seguros na comunidade autónoma galega. A reunión constituínte, formada polos representantes dos colexios provinciais de Galicia, elixiu aos membros encargados de poñer en marcha o Consello Gallego, que conta con máis de 500 colexiados en toda Galicia e que ostenta a representación dos case 4.000 mediadores de seguros de Galicia, entre axentes e corredores de seguros. Moitos deles pemes e autónomos que dan traballo en Galicia a unhas 12.000 persoas.