Sanidade destaca a capacidade innovadora de Galicia na abordaxe integral do envellecemnto activo e saúdable
García Comesaña remarcou que a Comunidade galega contará nos próximos meses cun Proceso Asistencial Integrado en Dano Cerebral Adquirido
Vigo, 11 de novembro de 2022
O conselleiro de Sanidade, Julio García Comesaña, inaugurou esta mañá, en Vigo, as XXXVIII Xornadas Científicas da Sociedade Galega de Rehabilitación e Medicina Física (SOGARMEF).
Durante a súa intervención, o máximo responsable da Sanidade galega puxo en valor a capacidade innovadora de Galicia no referido á abordaxe integral do envellecemento activo e saúdable.
Así mesmo, destacou a colaboración da Sociedade Galega de Medicina Física e Rehabilitación coa Consellería de Sanidade na elaboración e, próxima aprobación, do Proceso Asistencial Integrado en Dano Cerebral Adquirido, que ten por obxectivo homoxeneizar e estandarizar a atención ao dano cerebral na fase subaguda.
García Comesaña aplaudíu a celebración destas xornadas na que expertos intercambiarán información e experiencias, e puxo en valor que as súas contribúen a mellorar a calidade de vida e a asistencia sanitaria dos pacientes galegos.
Imaxes relacionadas
