A Xunta amplía a rede de orientación persoal e familiar a 42 centros que exercen de coordinadores para apoio ao alumnado con máis dificultades

Esta iniciativa pioneira, que arrancou o ano pasado, acadou no seu primeiro curso de funcionamento preto de 500 alumnos atendidos de máis de 300 colexios e institutos

Cada centro da rede conta cunha unidade de Acompañamento e Orientación persoal con docentes coordinadores para o desenvolvemento de actuacións de apoio e seguimento aos estudantes que o precisen

Santiago de Compostela, 12 de outubro de 2022 A Xunta de Galicia vén de ampliar a Rede de Orientación Persoal e Familiar de Galicia a un total de 42 centros públicos de Infantil, Primaria e Secundaria, dez máis que o pasado curso, que este ano exercerán como coordinadores do resto dos colexios e institutos da súa área de influencia para o apoio ao alumnado con maiores dificultades desde o punto de vista educativo e familiar.

Esta acción, que a Consellería de Educación puxo en marcha de xeito pioneiro o curso pasado, supuxo a creación dunha rede de 32 centros educativos que exercían de dinamizadores das súas respectivas áreas a través doutras tantas unidades de acompañamento e orientación, dotadas con profesorado específico. Agora, co obxectivo de continuar o programa, a rede amplíase en dez centros máis.

Apoio educativo e familiar ao alumnado máis vulnerable

A tarefa desta Rede de Orientación Persoal e Familia de Galicia céntrase en desenvolver actuacións específicas de apoio e seguimento ao alumnado más vulnerable desde o punto de vista educativo, ao tempo que colaborar coas familias e a contorna. Durante o pasado curso esta rede prestou apoio a preto de 500 alumnos e de máis de 300 centros educativos.

Ademais, co fin de atender á área xeográfica que lle corresponda e favorecer a mobilidade e o desprazamento dos profesionais, cada un destes centros constitúe unha unidade de Acompañamento e Orientación persoal atendida por unha persoa coordinadora do grupo dos 42 docentes incorporados para esta función.

Estes docentes -a razón dun por centro da rede- son os encargados do desenvolvemento de actuacións de apoio e seguimento ao alumnado que o precise. A súa función é a de complementar a actuación ordinaria dos centros educativos da súa área, sobre todo atendendo ás situacións máis delicadas, e sempre en coordinación cos departamentos de orientanción dos centros. Tamén se realizan labores de acompañamento ás familias, ofrecéndolles recursos para unha maior implicación nos procesos educativos dos seus fillos.

Esta Rede de Orientación Persoal e Familiar de Galicia sirve tamén de apoio e reforzo ao labor dos máis de 4.000 profesionais dedicados á orientación e o reforzo educativo que diariamente están traballando de xeito ordinario nos centros educativos galegos.

Listado de centros da Rede de Acompañamento e Orientación Persoal e Familiar neste curso (en negriña os de nova incorporación):

PROVINCIA	CONCELLO	CENTROS	ZONA XEOGRÁFICA
A CORUÑA	A CORUÑA	CIFP Ánxel Casal- Monte Alto	A Coruña, Oleiros, Sada, Bergondo, Oza-Cesuras, Betanzos, Coirós, Curtis, Vilasantar.
A CORUÑA	A CORUÑA	CIFP Someso	A Coruña, Culleredo.
A CORUÑA	A CORUÑA	CEIP Plurilingüe Víctor López Seoane	A Coruña.
A CORUÑA	AMES	IES Plurilingüe de Ames	Ames, Santiago de Compostela.
A CORUÑA	ARTEIXO	IES Manuel Murguía	Arteixo, A Coruña, Laracha.
A CORUÑA	CEDEIRA	IES Punta Candieira	Cariño, Cerdido, Mañón, Ortigueira, Cedeira, Valdoviño, San Sadurniño, Moeche, Somozas.
A CORUÑA	CEE	IES Fernando Blanco	Cee, Corcubión, Fisterra, Dumbría, Muxía, Mazaricos, Carnota, Muros.
A CORUÑA	CERCEDA	CEIP Plurilingüe Celso Emilio Ferreiro	Carballo, Coristanco, Cabana de Bergantiños, Laxe, Ponteceso, Malpica, Val do Dubra, Santa Comba.
A CORUÑA	CERCEDA	CPI Plurilingüe O Cruce	Cambre, Carral, Abegondo.
A CORUÑA	FERROL	IES Catabois	Ferrol, Monfero, A Capela.
A CORUÑA	FERROL	CIFP Leixa	Cabanas, Pontedeume, Ares, Mugardos, Fene, Neda, Narón, Miño, Vilarmaior, Aranga, As Pontes.
A CORUÑA	NOIA	CEIP Plurilingüe Alexandre Rodríguez Cadarso	Lousame, Noia, Outes, Porto do Son.
A CORUÑA	RIBEIRA	IES Leliadoura	Ribeira, A Pobra do Caramiñal, Boiro, Rianxo.
A CORUÑA	ROIS	CPI Plurilingüe Dos Dices	Catoira, Valga, Negreira, A Baña, Rois, Brión, Padrón, Dodro, Pontecesures, Caldas de Reis, Cuntis.
A CORUÑA	SANTIAGO DE COMPOSTELA	CEIP das Fontiñas	Santiago de Compostela.
A CORUÑA	SANTIAGO DE COMPOSTELA	CEIP Pío XII	Cerceda, Frades, Mesía, Ordes, Oroso, Tordoia, Trazo.
A CORUÑA	VEDRA	CPI Plurilingüe de Vedra	Vedra, Santiago, Teo, Boqueixón.
A CORUÑA	VILA DE CRUCES	CEIP Plurilingüe de Cerdeiriñas	Arzúa, Boimorto, O Pino, Touro, Melide, Sobrado, Toques, Santiso.
A CORUÑA	VIMIANZO	IES Terra de Soneira	Camariñas, Vimianzo, Zas.
LUGO	A FONSAGRADA	CEIP Plurilingüe Santa María	A Fonsagrada, Negueira de Muñiz, Baleira, Navia de Suarna, Cervantes, As Nogais, Pedrafita do Cebreiro, Becerreá, Baralla, Meira, A Pontenova.
LUGO	FOZ	IES de Foz	Ribadeo, Trabada, Barreiros, Foz, Burela, Cervo, Xove, Viveiro, O Vicedo.
LUGO	LUGO	IES Leiras Pulpeiro	Lugo, Palas de Rei, Monterroso, Antas de Ulla, Rábade, Outeiro de Rei, Friol.
LUGO	LUGO	CEIP Luís Pimentel	Lugo, Sarria, O Páramo, Paradela, O Incio, Samos, Triacastela, Láncara.
LUGO	LUGO	CEIP Paradai	Lugo, Castroverde, O Corgo, Guntín, Portomarín, Pol, Cospeito, Castro de Rei, Begonte.
LUGO	MONFORTE DE LEMOS	CEIP Plurilingüe de Monforte de Lemos	Monforte de Lemos, A Pobra do Brollón, Bóveda, O Saviñao, Pantón, Sober, Chantada, Taboada, Carballedo, A Peroxa, Nogueira de Ramuín.
LUGO	VILALBA	CEIP Antonio Insua Bermúdez	Muras, Xermade, Guitiriz, Vilalba, A Pastoriza, Abadín, Riotorto, Lourenzá, Mondoñedo, Alfoz, O Valadouro.
OURENSE	CELANOVA	CEIP Plurilingüe Curros Enríquez	San Cibrao das Viñas, Taboadela, Celanova, Cartelle, Ramirás, A Merca, Padrenda, Muíños, Lobios, Entrimo, Bande, Crecente, Arbo, A Cañiza, Covelo, Toén, Barbadás, Ourense, As Neves, Salvaterra de Miño.
OURENSE	O BARCO DE VALDEORRAS	IES Lauro Olmo	A Veiga, Carballeda de Valdeorras, Rubiá, O Barco, Vilamartín, A Rúa, Petín, O Bolo, Larouco, Viana do Bolo, Pobra de Tribes, Manzaneda, Castrocaldelas, Folgoso do Courel, Quiroga, Ribas de Sil, A Gudiña, A Mezquita, Vilariño de Conso.
OURENSE	OURENSE	CPI Plurilingüe José García García	Ourense
OURENSE	VERÍN	IES Xesús Taboada Chivite	Verín, Vilardevós, Riós, Castrelo do Val, Laza, Cualedro, Monterrei, Oímbra, Vilar de Barrio, Sarreaus, Baltar, Os Blancos, Rairiz de Veiga, Sandiás, Xinzo de Limia, Allariz, Maceda, Baños de Molgas, Xunqueira de Ambía.
OURENSE	VILAMARÍN	IES de Vilamarín	Vilamarín, San Cristobo de Cea, O Irixo, Beariz, Boborás, O Carballiño, Maside, San Amaro, Punxín, Avión, Leiro, Cenlle, Carballeda de Avia, Melón, Ribadavia, Cortegada, Arnoia, Castrelo de Miño, Amoeiro, Coles, Pereiro de Aguiar, Ourense.
PONTEVEDRA	BAIONA	IES Primeiro de Marzo	Baiona, Oia, A Guarda, O Rosal, Tomiño, Tui.
PONTEVEDRA	GONDOMAR	IES Auga da Laxe	Gondomar, Vigo, Salceda de Caselas, Ponteareas.
PONTEVEDRA	NIGRÁN	IES Valmiñor	Nigrán, Vigo.
PONTEVEDRA	CAMBADOS	CEP Antonio Magariños Pastoriza	Cambados, O Grove, Illa de Arousa, Sanxenxo, Meaño, Ribadumia, Vilanova de Arousa, Meis.
PONTEVEDRA	LALÍN	CEIP Xaquín Loriga	Lalín, Vila de Cruces, Agolada, Silleda, Rodeiro, Dozón, Forcarei, A Estrada, Cerdedo-Cotobade, A Lama.
PONTEVEDRA	MOAÑA	IES Plurilingüe A Paralaia	Moaña, Marín, Vilaboa, Bueu, Cangas, Soutomaior.
PONTEVEDRA	PONTE CALDELAS	CEIP Plurilingüe A Reigosa	Ponte Caldelas, Pontevedra, Redondela, Vigo, Fornelos de Montes, Pazos de Borbén, Mondariz, Mondariz-Balneario.
PONTEVEDRA	PONTEVEDRA	CIFP A Xunqueira	Pontevedra, Poio, Vilagarcía de Arousa, Portas, Barro, Moraña, Campo Lameiro, Marín.
PONTEVEDRA	SANXENXO	CEIP de Portonovo	Pontevedra.
PONTEVEDRA	VIGO	IES de Teis	Vigo.
PONTEVEDRA	VIGO	CEIP Plurilingüe O Sello	Vigo, Porriño, Mos.

Formación

Departamento:

C. de Educación, Ciencia, Universidades e Formación Profesional