A Xunta asiste á representación teatral ‘As mulleres somos as mans do mundo’ impulsada pola Asociación Virgen de la O

Pontevedra, 5 de outubro de 2022 O director xeral de Persoas con Discapacidade, Fernando González Abeijón, asistiu hoxe á representación teatral As mulleres somos as mans do mundo impulsada pola asociación Virgen de la O e que ten lugar no teatro principal de Pontevedra. Durante o evento agradeceu a esta entidade o seu empeño por dar visibilidade á realidade das persoas con discapacidade.

Esta obra estará interpretada polo grupo teatral Médez Núñez, conformado polas persoas con discapacidade. O director xeral lembrou que o Goberno galego seguirá apoiando este tipo de iniciativas por permitir comunicar, a través da cultura, a importancia de lograr unha sociedade máis xusta e solidaria coas persoas en situación de vulnerabilidade.