Galicia recibiu hoxe 77.600 doses para a vacinación da cuarta dose covid

Galicia recibiu hoxe un total de 77.600 doses de vacinas para administrar á poboación galega a cuarta dose da vacina contra a Covid. A Comunidade galega comezará a administrar as doses a partir do vindeiro 26 de setembro a todos os maiores das residencias sociosanitarias de Galicia. Unha vez administrada a dose a este colectivo, o Goberno galego comezará a vacinación do resto da poboación, de maior a menor idade, nos grandes recintos, tal e como se fixo ata o de agora.