Javier Arias recibe aos peregrinos que integran a ruta dos dereitos humanos na súa parada en Lugo

O delegado territorial, Javier Arias, recibiu hoxe na sede da Xunta en Lugo a primeira hora da mañá aos 25 integrantes da denominada Ruta dos Dereitos Humanos, una peregrinación a Santiago de Compostela polo Camiño Primitivo que realizan 25 persoas de nove países, co obxectivo de dar a coñecer e divulgar os 30 artigos da Declaración Universal dos Dereitos Humanos en varias localidades de Asturias e Galicia. A recepción tamén contou coa asistencia do presidente da Asociación de Amigos do Camiño de Santiago, Ángel Trabada.

O pasado día 1 saíron de Oviedo para percorrer as etapas da ruta primitiva ata a súa chegada a Santiago de Compostela, o vindeiro martes 13, coa colocación de placas conmemorativas en bronce dedicadas a cada un dos 30 dereitos humanos que integran a Declaración Universal noutros tantos lugares, contando para elo co patrocinio de asociacións, fundacións sen ánimo de lucro, concellos e outro tipo de institucións, co obxectivo de dar máis visibilidade a estes dereitos universais.

O delegado territorial interesouse pola viaxe dos integrantes desta marcha, que se repite cada ano desde 2015, e apuntou a “importancia de divulgar os dereitos humanos universais, que manteñen ademais tantas similitudes cos valores que definen ao Camiño de Santiago”.