Estabilizado o incendio forestal rexistrado no concello de Lobeira, parroquia de San Xes de Vilariño
Segundo as últimas medicións realizadas, o lume afecta unha superficie estimada de 560 hectáreas dentro do parque natural da Baixa Limia-Serra do Xurés
A Consellería do Medio Rural informa de que o incendio forestal rexistrado no concello ourensán de Lobeira, parroquia de San Xes de Vilariño, está estabilizado.
O lume iniciouse este mércores ás 21,15 h. e quedou estabilizado ás 17,10 h. desta tarde. Segundo as últimas medicións realizadas, a superficie afectada é de 560 hectáreas estimadas dentro do parque natural da Baixa Limia-Serra do Xurés. No seu control levan traballado un total de 1 técnico, 37 axentes, 103 brigadas, 57 motobombas, 4 pas, 1 unidade técnica de apoio, 11 avións e 13 helicópteros.
A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.