A Xunta ofrece servizos especiais de autobús durante as festas de Santa Cruz, en Oleiros
Os días 20, 21 e 23 de agosto haberá unha liña desde Gasolineira Santa Cruz ata Entrexardíns, con saída ás 3:30 horas da madrugada
Os menores de 21 anos poderán empregar a tarxeta Xente Nova para viaxar gratis, e os demais usuarios dos autobuses públicos da Xunta terán descontos coa tarxeta de transporte metropolitano
A Xunta quere facilitar mellores alternativas de viaxe en transporte público para reducir os riscos da condución nocturna e que se aminore o impacto medioambiental e sobre o tráfico
A Xunta ofrecerá un servizo especial de autobús durante as festas de Santa Cruz, no concello de Oleiros.
Os días 20, 21 e 23 de agosto haberá unha liña desde Gasolineira Santa Cruz ata Entrexardíns, con saída ás 3:30 horas da madrugada.
O servizo especial fará paradas nos seguintes lugares: Gasolinera Santa Cruz, Coruxo, Liáns, Bastiagueiro, I.N.E.F., As Covas, Escorial, Parador, Perillo Sta. Cristina, Santa Xemaxesuítas A Coruña, Materno A Coruña, Chuac, Os Castros, A Gaiteira, Costa Palloza 4 / 5, Praza De Ourense, Entrexardíns.
Os menores de 21 anos poderán viaxar gratis empregando a tarxeta Xente Nova e o resto de usuarios do transporte público da Xunta poden beneficiarse dos descontos da tarxeta TMG.
A Xunta, coa posta en marcha destes servizos especiais, quere facilitar mellores alternativas de viaxe en transporte público, de xeito que se reduzan os riscos da condución nocturna despois de xornadas de lecer, e se aminore o impacto medioambiental e sobre o tráfico.