A Xunta presenta o concerto de Los Brincos que se celebrará en Vilanova de Arousa dentro da programación dos concertos do Xacobeo

O delegado territorial da Xunta en Pontevedra, Luis López, acompañado do alcalde, Gonzalo Durán e o tenente alcalde, Javier Tourís, participou hoxe na presentación do concerto de Los Brincos que terá lugar o día 20 de agosto na localidade vilanovesa no marco dos Concertos do Xacobeo.

Segundo explicou o delegado territorial, esta iniciativa da Xunta de Galicia está a ser todo un éxito e os Concertos do Xacobeo, que deron comezo en maio, suman xa máis de 350 artistas en máis de 50 localidades galegas.

Luis López valorou a distribución dos diferentes espectáculos culturais, artísticos e deportivos programados nas diferentes vilas e cidades da nosa comunidade, o que posibilita que todas as comarcas de Galicia poidan achegarse a esta celebración e beneficiarse das distintas propostas.

“Gracias a iniciativas coma estas, nas que xeramos sinerxías con outras administracións, conseguimos a presenza de artistas de renome noso territorio, e con isto promovémolo turística e culturalmente”, manifestou o delegado da Xunta en Pontevedra.

Os Concertos do Xacobeo manteñen unha programación de música en vivo, con máis de 100 acontecementos por toda Galicia entre os meses de maio e novembro deste ano, e é unha iniciativa máis da Xunta de Galicia dentro das actividades do Xacobeo. Neste programa de concertos participan máis de 350 bandas e artistas nacionais e internacionais de todos os estilos, para todas as idades e para todos os gustos.

Los Brincos chegarán á Praza do Mercado de Vilanova de Arousa o sábado día 20 de agosto, ás 21.30 horas, e con entrada de balde. Os asistentes poderán gozar de 5 de´cadas de historia e e´xitos: "Lola", "Un sorbito de Champagne", "Nadie te quiere ya", "Flamenco", "Sola" entre outros moitos éxitos desta banda española.