Un total de 11 empresas presentan as súas ofertas para executar as obras de reforzo do firme nas estradas autonómicas AC-400, AC-406 e AC-546, cun investimento de máis de 1,5 M€
Trátase de actuacións de mellora nestas tres vías da Xunta ao seu paso polos concellos de Santa Comba, Tordoia, Coristanco, Cerceda, Mazaricos, A Baña e Negreira
Os traballos contan cun prazo de execución de seis meses e están encamiñados á reparación, rehabilitación e reforzo superficial do firme
Actuarase nos pavimentos naqueles treitos que presenten maior grao de deterioro, reforzando a seguridade e comodidade dos usuarios que circulan por estas vías, moi frecuentadas durante o verán
A intervención enmárcase no Plan de Reforzos de firme que desenvolve a Consellería de Infraestruturas e Mobilidade para manter a conservación das vías da Xunta
A Consellería de Infraestruturas e Mobilidade recibiu un total de 11 ofertas de empresas para executar as obras de reforzo do firme nas estradas AC-400, AC-406 e AC-546, cun investimento de máis de 1,5 M€.
Trátase de actuacións de mellora destas tres vías autonómicas ao seu paso polos concellos de Santa Comba, Tordoia, Coristanco, Cerceda, Mazaricos, A Baña e Negreira
Os traballos, que contan cun prazo de execución de seis meses, están encamiñados á reparación, rehabilitación e reforzo superficial do firme, adecuándoo ás súas necesidades funcionais e de durabilidade.
O reforzo do firme está encamiñado a restaurar ou mellorar as características superficiais do pavimentos naqueles treitos que presenten maior grao de deterioro.
As obras suporán unha maior seguridade e comodidade aos usuarios que circulan por estas vías, moi frecuentadas, especialmente en temporada de verán, e facilitarán a mobilidade aos habitantes dos municipios onde se realizarán as actuacións.
Estas obras están incluídas no Plan de Reforzos de firme que está a desenvolver o Goberno galego para investir na mellora e na conservación das estradas autonómicas.