A Xunta informa o próximo martes aos comerciantes de Ferrolterra do novo programa de axudas por 6M€ para a transformación dixital e a modernización do sector
O director xeral de Comercio e Consumo, Manuel Heredia, participará nun networking sobre esta convocatoria que se celebrará a partir das 16 horas no Ateneo Ferrolán
A Xunta organiza o próximo martes, 31 de maio, a partir das 16 horas, un networking con comerciantes e artesáns coruñeses para presentarlles o novo programa de axudas por 6 millóns de euros para impulsar a transformación dixital e a modernización do sector comercial e artesán galego.
No encontro, que se celebrará a partir das 16 horas no Ateneo Ferrolán (Rúa Magdalena, 202), participará o director xeral de Comercio e Consumo, Manuel Heredia, quen informará aos asistentes sobre a convocatoria, da que se poden beneficiar pemes comerciais de menos de 20 traballadores e obradoiros artesáns.
A través desta iniciativa, cuxo prazo de presentación de solicitudes está aberto ata o próximo 23 de xuño, apoiaranse actuacións como a implantación e o mantemento de páxinas web, márketing dixital, loxística ou xestión de redes sociais, ademais da adquisición de equipamentos.