Sanidade informa ao Ministerio de Sanidade de dous novos casos de hepatite aguda infantil de orixe descoñecida

A Dirección Xeral de Saúde Pública da Consellería de Sanidade vén de informar ao Centro de Coordinación de Alertas e Emerxencias Sanitarias do Ministerio de Sanidade da detección en Galicia de dous novos casos de hepatite aguda infantil de orixe descoñecida.

Estes dous novos casos pertencen á área sanitaria de Vigo. Un deles, tivo a enfermidade no mes de marzo, e outro permanece ingresado e evoluciona favorablemente.

Ata a actualidade, detectáronse en Galicia cinco casos, dos que dous permanecen coa enfermidade activa.

A Consellería de Sanidade sinala que o sistema sanitario galego permanece alerta na detección de casos.