Política Social participa no 32 Congreso internacional de Xeriatría e Xerontoloxía

O director xeral de Atención Integral Sociosanitaria, Antón Acevedo, participou hoxe no 32 Congreso anual internacional de Xerontolocía e Xeriatría, que se celebrou no Pazo da Cultura de Pontevedra e que ten como lema Atención gerontológica y geriátrica: edadismo y principios éticos.

Antón Acevedo formou parte dos profesionais que participaron na IV mesa redonda que centrou o seu debate na calidade dos servizos, modelos de futuro e a atención de largo prazo e financiamento. Nesta mesa, puxo en valor o novo modelo de coidados no que a Xunta está traballando para mellorar a atención ás persoas maiores.