A secretaría xeral para o Deporte achegou 30.000 euros para renovar a pista de tenis de Friol
O delegado territorial da Xunta en Lugo, Javier Arias, comprobou o resultado das obras de acondicionamento das instalacións, que foron executadas polo Concello a través dun convenio co Administración autonómica
A Xunta de Galicia, a través da Secretaría Xeral para o Deporte, achegou 30.660 euros ao Concello de Friol para renovar a pista de tenis do club fluvial.
O delegado territorial de Lugo, Javier Arias, acompañado do alcalde de Friol, José Ángel Santos, comprobou o resultado das obras, que incluíron a substitución do pavimento, das redes e de todo o peche perimetral. A actuación foi realizada pola entidade local a través dun convenio co Goberno galego, que contribuíu co 80% do investimento.
Arias destacou o apoio aos concellos para modernizar as súas infraestruturas deportivas. Nese sentido, lembrou que a Administración autonómica tamén vén de investir 47.500 euros na mellora da cuberta e das instalacións do pavillón do CPI Dr. López Suárez de Friol, unha actuación que tivo un custo de 95.000 euros, sufragados ao 50% entre Xunta e Concello.
Neste exercicio 2022, a Secretaría Xeral para o Deporte conta cun orzamento inicial de 32.489.463 euros, dos que 11,3 millóns de euros van destinados a obras de construción e reforma de infraestruturas deportivas, un 24% máis que en 2021.
Imaxes relacionadas
