Galicia Calidade anima a agasallar xoiería galega no día dos namorados

A xerente de Galicia Calidade, Ana Méndez, visitou esta semana en Santiago de Compostela as xoierías Orfega, Katuxa Platero Joyas e Isabel Suárez, que contan co selo de garantía Galicia Calidade, onde animou a agasallar en datas como o próximo Día dos Namorados pezas de xoiería galega, destacando os deseños exclusivos, o traballo artesanal e a calidade do sector.

Durante os encontros, Ana Méndez tivo oportunidade de explicar as principais liñas de actuación que vai desenvolver a marca de garantía ao longo do ano, así como escoitar as principais achegas das empresas do sector, inmerso nunha constante innovación e aposta polo deseño e materias primas de calidade para sorprender ao consumidor.
Galicia Calidade conta na actualidade con máis de 600 produtos e servizos certificados de 150 empresas, que engloban os sectores agroalimentario, mar, turístico, xoieiro, industrial, xeotérmico e planta ornamental.